Waiata Mai
Ngā Tira Waiata o Aotearoa
E kaingākautia ana e koe te waiata? Kua hiahia ako ki te waiata reretahi? Kua rite kia eke tō reo ki taumata kē?
Tēnā hui tahi mai me Ngā Tira Waiata o Aotearoa ki Te Papa Tū Wātea o Aotea, ka rongo ai i te hari nui o te waiata ā-tira, ka tuku ai i tō reo kia rere i te pō whakatuwhera i Te Ahurei Toi o Tāmaki 2024. Hei te wiki o mua atu tū ai ētahi whakaharatau huri noa i te tāone nui, tae atu ki tētahi tūranga pātata ki a koe, e rite pai ai tō reo, e rite anō ai koe ki te whai wāhi ki te tira waiata nui katoa i Tāmaki Makaurau, ka waiata i ētahi waiata nō Aotearoa kua tino hau te rongo.
E wātea ana ki te katoa – ehara i te mea me whai wheako waiata kē. Kia rawerawe, tūtakina he tāngata hou, hono mai ki ētahi kaiarataki puoro taiea, nōu e whai wāhi ana ki tētahi kaupapa ka tāia ki ngā whārangi hītori o te motu ki te pokapū o Tāmaki Makaurau.
Nau mai, haere mai, waiata mai!
| He aha ngā waiata? Anei! |
| 6 Months in a Leaky Boat / Ono Marama Takerehāia Split Enz Reo rua – Māori / Pākehā |
| Sway Bic Runga Te Reo Pākehā |
| Slice of Heaven Hineruhi Dave Dobbyn & Herbs Reo rua – Māori / Pākehā |
| Tūtira Mai Ngā Iwi Wi Te Tau Huata Te Reo Māori |
| E wātea ana he tuhinga matapō. Pāwhiritiai i konei kia tāpuia te pepa tono |
| He Rauemi Ako
Nā Choirs Aotearoa New Zealand tēnei pae tukutuku rawerawe i hanga. He hopunga puoro o ngā wahanga reo katoa me ētehi tiwhiri ā-waiata ka kitea. |
